Qazaqstanda qurastyrylǵan tehnıkalardyń ózindik qunyn bile alasyzdar - Qarabaev
11:35, 24 Aqpan 2022
NUR-SULTAN. QazAqparat – Qazaqstanda qurastyrlǵan tehnıkalardyń quny ashyq. Bul týraly QR Indýstrııa jáne ınfraqurylymdyq damý vıtse-mınıstri Marat Qarabaev aıtty, dep habarlaıdy QazAqparat tilshisi.
«Importtyq tehnıkanyń (aýyl sharýashylyǵy tehnıkasy) baǵasyn eshqashan kóre almaısyz. Múmkin onyń ózindik baǵasy 10 teńge bolyp, elge ákelip 25 teńgeden satyp otyrǵan shyǵar. Al sheteldik zaýyttar elimizge kelgen kezde tehnıkanyń baǵasyn kóre alasyz. Óıtkeni, zaýyttar tehnıkany qurastyratyn qosalqy bólshekterdi deldaldardan almaıdy. Tikeleı zaýyttan alady. Sonda qosalqy bólshekterdiń qandaı baǵamen keletindigin bile alamyz. ıAǵnı, onyń qunynyń ashyq bolýyna áser etedi», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.