Qazaqstanda qurastyrylǵan kólik qunynda ýtılalym eshqashan bolǵan emes – Marat Qarabaev
«Bizdiń de jumysta jibergen qateligimiz bolar, ýtılalym týraly qoǵamǵa durys túsindire almadyq. Sony paıdalanyp, keıbir qoǵam belsendileri ýtılalym týraly qoǵamda shyndyqqa janaspaıtyn pikir, uǵym qalyptastyryp otyr. Otandyq kóliktiń baǵasynda eshqashan kádege jaratý alymy bolmaǵan. Bul rette myna máseleni atap ótken jón. Jeńil kólik jaıynda aıtar bolsaq, KIA, Hyundai modelderine halyqtyń suranysy joǵary. Qazaqstanda KIA, Hyundai, Chevrolet, JAC, Lada sııaqty avtomobılder tolyǵymen qurastyrylady. Olardyń óndirisi osynda qalyptasqan. Osy modelderdi alǵanda halyq eshqashan ýtılalym tólemegen», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Osy rette ol 2021 jyly elimizdiń naryǵynda satylǵan kólikterdiń 65 paıyzy ózimizde qurastyrylǵandyǵyn atap ótti.
«Statstıkaǵa júginer bolsaq, byltyr naryqta satylǵan mashınalardyń 65 paıyzyn otandyq kólikter quraıdy. Bul degenimiz ne? ıAǵnı, jańa kólik satyp alǵan qazaqstandyqtardyń 65 paıyzy kádege jaratý alymyn tólegen joq. Qalǵan 35 paıyz ımporttyq kóliktiń basym bóligi Mercedes, BMW sııaqty premıým sanatyndaǵy mashınalar. Bul kólikterge ýtılalym tólendi. Biraq, túsken qarajat erteń eldiń ıgiligine, ıaǵnı, halyqqa jeńildetilgen avtonesıe berýge jaratylady», - dedi Marat Qarabaev.