Qazaqstanda qurastyrylǵan 2 tikushaq Tótenshe jaǵdaılar mınıstrligine berildi
24 maýsymda Almaty qalasynda «№405 avıajóndeý zaýyty» AQ aýmaǵyndaTótenshe jaǵdaılar mınıstrligine Qazaqstanda qurastyrylǵan Mı-8AMT eki tikushaǵyn berý rásimi ótti.
Іs-sharaǵa Tótenshe jaǵdaılar birinshi vıtse-mınıstri Ibragım Kúlshimbaev qatysty.
Ol 2020 jylǵy jeltoqsanda Qazaqstanda qurastyrylǵan Mı-8AMT alǵashqy 2 tikushaǵy da TJM paıdalanýyna berilgenin atap ótti.
Áýe kemeleri Nur-Sultan, Almaty qalalarynda ázirlikte tur.
Olar Túrkistan oblysynyń taýlaryndaǵy izdestirý-qutqarý operatsııalaryna, shuǵyl medıtsınalyq evakýatsııalaýǵa, orman avıatsııalyq jumystaryna jáne elimizdiń aýmaǵyndaǵy sý tasqyny qaýpi bar kezeńde aerovızýaldy barlaý jumysyna jumyldyryldy.
TJM tikushaq parkin tolyqtyrý «Qazaqstan ınjınırıng» UK» AQ, «№ 405 avıajóndeý zaýyty» AQ jáne «Reseı tikushaqtary» AQ arasyndaǵy úshjaqty kelisim aıasynda iske asyrylady.
Tikushaqtar TJM oryndaıtyn mindetterdi eskere otyryp jasalǵan.
Olar jolaýshy men júk tasymaldaýǵa, zilzala men tabıǵı apat aımaqtaryndaǵy avarııalyq-qutqarý jumysyna, orman kúzetýge, órt sóndirýge, sondaı-aq halyqqa sanıtarııalyq avıatsııa qyzmetterin kórsetýge beıimdelgen.
Tehnıka avıatsııalyq qyzmetter men jumystardyń keń spektrin oryndaýǵa arnalǵan.
Ol zamanaýı jabdyqtarmen, ushýdyń praktıkalyq aýqymyn 2 ese arttyratyn qosymsha otyn baktarymen jabdyqtalǵan.
Mı-8AMT modıfıkatsııalanǵan áýe kemesinde ushýlardy oryndaý úshin TJM ushý jáne ınjenerlik-tehnıkalyq quramynan 18 adam (12 ushqysh jáne 6 bort-mehanık) Ulan-Ýde qalasyndaǵy «Bargýzın AK» avıatsııalyq oqý ortalyǵynda ushý daıarlyǵynan ótti.
Іs-shara sońynda birinshi vıtse-mııstr aldaǵy ýaqytta TJ mınıstrliginiń materıaldyq-tehnıkalyq bazasyn nyǵaıtý boıynsha jumys jalǵasatynyn atap ótti.
Ol tabıǵı jáne tehnogendik sıpattaǵy tótenshe jaǵdaı kezinde qutqarý operatsııasyn júrgizýdiń tıimdiligin arttyrýǵa múmkindik beredi.