Qazaqstanda kún saıyn balalarǵa qarsy 6 qylmys jasalady – Ýákil

ASTANA. QazAqparat – QR Bala quqyqtary jónindegi ýákil Dınara Zákıeva balalarǵa jasalǵan qylmystarǵa beriletin jazany kúsheıtýdi, bala qaýipsizdigi úshin jaýapkershilikti arttyrýdy usyndy, dep habarlaıdy QazAqparat.

«Kún saıyn balalarǵa qarsy 6 qylmys, al balalar arasynda 5 qylmys jasalady. Kúnine 1-2 bala óz-ózine qol jumsaıdy nemese jumsaýǵa tyrysady. Jylyna 100 bala terezeden nemese ashyq jatqan lıýkterge qulap ketip jatyr. Sondyqtan zańǵa balalarǵa jasalǵan qylmystarǵa beriletin jazany qatańdatatyn, bul nárselerdiń aldyn alatyn jáne bala qaýipsizdigin qamtamasyz etýge arnalǵan jaýapkershilikti kúsheıtetin túzetýlerdi engizý úshin jumys isteıtin bolamyz», - dep jazdy D.Zákıeva Facebook jelisinde.

Sonymen qatar Dınara Zákıeva otbasylarǵa, áıelderge, balalarǵa arnalǵan memlekettik biryńǵaı baılanys ortalyǵyn qurý da mańyzdy ekenin jetkizdi.

Aıta keteıik, keshe Memleket basshysy Bala quqyqtary jónindegi ýákil Dınara Zákıevany qabyldaǵan edi.

Bala quqyqtary jónindegi ýákil 152 aýdanda Otbasyn qoldaý ortalyǵyn ashýdy usynyp otyr.