Qazaqstanda qýattylyǵy 1 GVt bolatyn JES salynyp jatyr - Nurlan Jaqypov

<p>BOAO. KAZINFORM &ndash; &laquo;Samuryq-Qazyna&raquo; AQ basqarma tóraǵasy Nurlan Jaqypov Memleket basshysynyń SPIC kompanııasy Dırektorlar keńesiniń tóraǵasy Lıý Mınshenmen jáne Sany Group Co. Ltd Dırektorlar keńesiniń tóraǵasy Sıan Venbomen ótkizgen kezdesýleriniń nátıjesi jóninde pikir bildirdi.&nbsp;</p>

«Prezıdenttiń issaparynyń barysynda Boao Azııa forýmynyń sheńberinde energetıka salasy boıynsha State Power Investment Corporation (SPIC) jáne Sany Group Co. Ltd kompanııalarymen birneshe kezdesý ótti. Qazirgi tańda Qazaqstanda qýattylyǵy 1 GVt bolatyn jel elektr stantsııasy salynyp jatyr. 500 megavat Jambyl oblysynda, qalǵan 500 megavat Ekibastuz qalasynda ekenin aıta ketken jón. Sany Group Co. Ltd bul jobaǵa tıisti qural-jabdyqtardy jiberedi. Al, China Power International Holding bul jobany júzege asyrady», - dedi Nurlan Jaqypov. 

Buǵan deıin habarlaǵanymyzdaı, Qasym-Jomart Toqaev jyl saıyn Qytaıdyń Haınan provıntsııasynda ótetin Boao Azııa forýmynyń (BAF) plenarlyq sessııasynyń ashylý rásimine qatysty. Bıylǵy 23-shi forým «Azııa jáne álem: ortaq syn-qaterler, ortaq jaýapkershilik» degen taqyrypta ótip jatyr. Qazaqstan Prezıdenti atalǵan forýmda qurmetti qonaq retinde sóz sóıledi.

Sapar barysynda Prezıdent Sany Group Co. Ltd Dırektorlar keńesiniń tóraǵasy Sıan Venbo men State Power Investment Corporation kompanııasy Dırektorlar keńesi tóraǵasy Lıý Mınshendi qabyldaǵanyn jazǵan bolatynbyz.

Sondaı-aq Boao Azııa forýmynda AIF jáne BFA arasynda memorandýmǵa qol qoıyldy.