Qazaqstanda qýaty kúshti sýperkompıýter qashan iske qosylatyny belgili boldy

<p>ASTANA. KAZINFORM &ndash; Bıyl Qazaqstanda sýperkompıýter iske qosylady. Bul týraly Parlament Májilisinde jasandy ıntellektti qoldaný máselelerin talqylaý kezinde QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń birinshi vıtse-mınıstri Qanysh Tóleýshın aıtty.</p>

«Eń bastysy, esepteý qýatyn qalyptastyrý kerek. Bul baǵyttaǵy qadamdar bizge qajet bolǵannan keıin iske asyrylyp jatyr. Osy oraıda ulttyq kompanııalarǵa, ýnıversıtetterge, memlekettik organdarǵa arnaıy hattardy joldadyq. ıAǵnı qansha esepteý qýaty qajet ekenin zerttedik. Sondyqtan suranysqa qaraı qazir úsh kezeńde sýperkompıýter jasaýdy jáne onymen jumys isteýdi jalǵastyryp jatyrmyz», - dedi Q.Tóleýshın.

Vıtse-mınıstr Qazaqstanda birqatar venchýrlyq qor qurylǵanyn jáne qazirgi kezde osy otandyq kompanııalardy qarjylandyratyn tıisti qorlardy qurý jumystary atqarylyp jatqanyn aıtty. Bul turǵyda qarajattyń basym bóligi jasandy ıntellektini damytýdy qarjylandyrýǵa bólinedi. 

«Sýperkompıýterdi qurýdyń birinshi kezeńinde jumysty toqtatpaý úshin esepteý qýatyn shetelden jalǵa alý eskerilgen. Bul jumystar bastaldy. Ekinshiden, tıisti chıpterdi satyp alyp jatyrmyz. Ol úshin «Samuryq-Qazyna men G42 kompanııasy arasynda birlesken kásiporyndy qurdyq. Atalǵan kásiporyn sýperkompıýterdi bıyl iske qosady. Úshinshi kezeńde sýperkompıýterge arnalǵan derekterdi óńdeý ortalyǵynyń qurylysyn júzege asyrý josparlanǵan. Suranys joǵary bolsa, úshinshi kezeńdi keńeıtilgen tártipte iske asyramyz», - dedi vıtse-mınıstr.

Eske salsaq, Qazaqstan qýaty kúshti sýperkompıýter qurýǵa kiristi. 

Bıyl aqpan aıynda «Samuryq-Qazyna», Tsıfrlyq damý, ınnovatsııalar jáne aeroǵarysh ónerkásibi mınıstrligi men Presight Qazaqstanda sýperkompıýter jasaý jobasynyń negizgi sharttary týraly kelisimge qol qoıdy.