Qazaqstanda krıptoındýstrııa men blokcheın tehnologııalary qalaı damıdy

NUR-SULTAN. QazAqparat - QR Premer-Mınıstriniń birinshi orynbasary Álıhan Smaıylovtyń tóraǵalyǵymen Qazaqstanda krıptoındýstrııa men blokcheın tehnologııalaryn damytý jónindegi jumys tobynyń kezekti otyrysy ótti. Bul jóninde Premer-Mınıstrdiń baspasóz qyzmetine silteme jasap QazAqparat habarlaıdy.

Otyrys aıasynda «Astana» halyqaralyq qarjy ortalyǵynyń (AHQO) alańynda krıptobırjalarǵa banktik qyzmet kórsetý boıynsha pılottyq jobany iske asyrýdyń keıbir máseleleri qaraldy.

Jobany iske asyrý el bıýdjetine qosymsha salyq túsimin, jańa jumys oryndaryn qamtamasyz etedi, sondaı-aq krıptovalıýta bırjalarynyń qyzmetin retteý boıynsha ulttyq zańnamany jetildiredi jáne krıptovalıýta aǵynyn retteý úshin olardy meıilinshe ashyq etýdi kózdeıdi.

Búgingi tańda Qazaqstannyń birqatar bankteri pılottyq jobaǵa qatysýǵa nıet bildirdi.

Kezdesý qorytyndysy boıynsha Á. Smaıylov ekinshi deńgeıli banktermen ózara is-qımyl jasaý úshin AHQO-da krıptobırjalardyń jumys isteý qaǵıdalaryn ázirleýdi jedeldetýdi tapsyrdy.