Qazaqstanda kóterme saýda kólemi 11 paıyzǵa artty

ASTANA. QazAqparat - Qazaqstandaǵy kóterme saýda kólemi alǵashqy alty aı ishinde 17,6 trln teńgege jetti, dep habarlaıdy QazAqparat ulttyq statbıýroǵa silteme jasap.

2023 jylǵy qańtar-maýsymda kóterme saýda kólemi 17 612,4 mlrd teńgeni qurady, bul 2022 jylǵy tıisti kezeńge qaraǵanda 11,1% artyq.

2023 jylǵy qańtar-maýsymda respýblıkanyń kóterme saýdasynyń jalpy kólemindegi eń úlken úles Almaty (39,6%) jáne Astana (15,8%) qalalaryna, sondaı-aq Atyraý (14,9%), Qaraǵandy oblystaryna (5,2%) tıesili.

Menshik nysandary boıynsha kóterme saýdanyń 62% - jeke kompanııalar, 36,9% - sheteldik kompanııalar úlesinde.

Kásiporyndardyń kólemi boıynsha kóterme saýdanyń kóp bóligi shaǵyn kásiporyndar arqyly ótken – 75,7%.