Qazaqstanda Kóshi-qon saıasatynyń tujyrymdamasy ázirlenip jatyr

ASTANA. QazAqparat - Eńbek jáne halyqty áleýmettik qorǵaý mınıstrliginde 2017-2021 jyldarǵa arnalǵan Kóshi-qon saıasaty tujyrymdamasy ázirlenip jatyr, dep habarlaıdy QazAqparat.

Mınıstrlik, memlekettik ortaq múdde men kóshi-qon úderisteriniń álemdik damý úderisterin saqtaı otyryp, aldaǵy bes jyl kólemindegi strategııalyq maqsattar men mindetterdi jáne negizgi kózqarastardy aıqyndaıtyn 2017-2021 jyldarǵa arnalǵan Kóshi-qon saıasaty tujyrymdamasyn ázirleýde.

Qujatta basty mejeler retinde ornyqty áleýmettik-ekonomıkalyq damýdy jáne eldiń ulttyq qaýipsizdigin qamtamasyz etý aıasynda halyqty úılestirilgen teń sıpatta qonystandyrý men jumys kúshin tıimdi ornalastyrýǵa qol jetkizý kózdelýde.  

Alǵa qoıylǵan murat údesinen shyǵýda birqatar túıtkilderdi tarqatý boljanýda:

1) sheteldik jumys kúshin irikteý men qoldanýdyń saralanǵan tetikterin túzý;

2) ishki kóshi-qondy damytý men halyqtyń utymdy oryn aýystyrýyn qoldaý;

3) shetelde turatyn etnıkalyq qazaqtardyń Qazaqstan Respýblıkasyna qonys aýdarýyna jaǵdaı jasaý men kóshti yntalandyrý, olardyń beıimdelip, yqpaldasyp ketýine septesý;

4) zańsyz kóshi-qonǵa qarsy turý.

Tujyrymdamanyń tolyq mátinimen kelesi  silteme arqyly tanysýǵa bolady.