Qazaqstanda «qos bılik» týraly qaýesetke negiz joq – Nursultan Nazarbaev

NUR-SULTAN. QazAqparat – Elbasy Nursultan Nazarbaevtyń «Habar» arnasyna bergen suhbatynda eldegi «qos bılik» týraly qaýesetke pikir bildirdi, dep habarlaıdy QazAqparat tilshisi «Habar» arnasyna silteme jasap.

Suhbat barysynda Nursultan Nazarbaevqa eldegi «qos bılik» týraly suraq qoıyldy.

«Mundaı tujyrymǵa esh negiz joq, sebebi Qazaqstan prezıdenttik basqarý formasy bar ýnıtarly memleket. Men jol kórsetemin, ózderi keńesedi, keńes beremin, suramasa – keńes bermeımin (kúldi). Óz Otanyma, óz elime qyzmet etýdi jalǵastyryp kelemin», - dep jaýap berdi Nursultan Nazarbaev.

Aıta keteıik, suhbattyń tolyq nusqasy búgin «Habar» arnasynda saǵat 21.30-da kórsetiledi.

Osy suhbat barysynda Elbasy prezıdenttikten ketkenine ókinbeıtinin aıtqan bolatyn.