Qazaqstanda koronavırýstyń úndi shtamy anyqtalǵan joq
«Qazirgi sátte saraptamalardy sońǵy sekvestrleý barysynda Qazaqstannan úndi shtamm anyqtalǵan joq. Biz mundaı zertteýlerdi turaqty túrde júrgizemiz. Tolyqtaı alǵanda densaýlyq saqtaý júıesi túrli stsenarıılerge daıyndalǵan. Ózge elderdegi qazirgi ahýalǵa monıtorıng jasaımyz. Qazaqstanǵa kez kelgen eldiń azamatynyń PTR-diń teris nátıjesinsiz kirýine tyıym salatyndyǵymyzdy bilesizder», - dedi mınıstr Ortalyq kommýnıkatsııalar qyzmetindegi brıfıng barysynda.
Mınıstrdiń atap ótýinshe, PTR testileý koronavırýstyń barlyq túrin, onyń ishinde úndi shtamyn da anyqtaı alady.
«Sondyqtan biz qazirgi ýaqytta ásirese, shekaradaǵy ahýalǵa monıtorıng júrgizemiz. Buǵan qosa, kórshilerimizdegi jaǵdaıǵa da monıtorıng jasaımyz. Bul der ýaqytynda áreket etý úshin jasalady. Jalpy, densaýlyq saqtaý júıesi túrli syn-tegeýringe daıyn», - dedi Alekseı Tsoı.