Qazaqstanda koronavırýstan ólim-jitim 4,1 ese azaıdy - mınıstrlik

NUR-SULTAN. QazAqparat – Keıingi eki aıda COVID-19-dan bolǵan ólim-jitim 4,1 ese azaıdy. QR Densaýlyq saqtaý mınıstriniń birinshi orynbasary Marat Shoranov Úkimet otyrysynda osylaı málim etti, dep habarlaıdy QazAqparat tilshisi.

«Búginde elimizde «jasyl» aımaqta 9 óńir bar: Jambyl, Mańǵystaý, Qyzylorda, Túrkistan, Aqtóbe, Batys Qazaqstan, Atyraý, Almaty oblystary jáne Shymkent qalasy.

Qazaqstan Respýblıkasy jáne 4 óńir – «sary» aımaqta (Shyǵys Qazaqstan, Qaraǵandy oblystary, Almaty jáne Nur-Sultan qalalary).

«Qyzyl» aımaqta Aqmola, Qostanaı, Pavlodar jáne Soltústik Qazaqstan oblystary qalyp otyr», - dedi birinshi vıtse-mınıstr.

Onyń aıtýynsha, eldegi COVID-19 vırýsymen syrqattanýdyń reprodýktıvtik sany – 0,93.

«Jalpy Qazaqstanda sońǵy eki aıda syrqattaný 2,8 ese – aptasyna 33 346 jaǵdaıdan 11 709 jaǵdaıǵa deıin azaıdy. Al ólim 4,1 ese – aptasyna 761 jaǵdaıdan 184 jaǵdaıǵa deıin kemidi. Bul jalpy epıdemıologııalyq jaǵdaıdyń turaqtalýyn kórsetedi», - dedi Marat Shoranov.