Qazaqstanda koronavırýstan 40-qa jýyq júkti áıel qaıtys boldy

NUR-SULTAN. QazAqparat – Qazaqstanda koronavırýstan júkti 40 áıel kóz jumdy. Bul týraly OKQ-da ótken baspasóz máslıhatynda Densaýlyq saqtaý vıtse-mınıstri Ajar Ǵınııat málim etti, dep habarlaıdy QazAqparat tilshisi.

Bapsasóz máslıhaty barysynda vıtse-mınıstrge koronavırýstan balalar arasyndaǵy ólim-jitim jaıly suraq qoıylǵan bolatyn. Naqtyraq aıtqanda tilshiler tarapynan KVI-dan kóz jumǵandardyń zıratynyń ishinen kishkenbaı balanyń molasy bolǵany aıtylǵan edi. Ajar Ǵınııat koronavırýstan balalar arasynda ólim-jitim bolmaǵanyn aıtty.

«Jańa týǵan shaqalaqtyń shetineýi boıynsha bizde statıstıka joq. Alaıda koronavırýs juqtyrǵannan keıin qaıtys bolǵan júkti áıelderge qatysty mundaı statıstıka bar. Júkti áıelder arasynda 40-qa tarta adam kóz jumdy. Olar koronavırýs juqtyryp, bosanar kezde jan tapsyrdy», - dedi ol.

Eske sala ketsek buǵan deıin Densaýlyq saqtaý mınıstri Alekseı Tsoı Qazaqstanda koronavırýstan 59 medıtsınalyq qyzmetker kóz jumǵanyn habarlaǵan bolatyn.