Qazaqstanda koronavırýspen aýyrǵandardyń 13 paıyzdan astamy 14 jasqa deıingi balalar

NUR-SULTAN. QazAqparat - Búginge deıin elimiz boıynsha KVI juqtyrýdyń 1 307 517 deregi anyqtaldy. Onyń ishinde 13,5% 14 jasqa deıingi balalar arasynda tirkeldi, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń málimetinshe, e pıdemıologııalyq zertteýler balalardyń aýrý juqtyrý kózi otbasylyq qarym-qatynas, ıaǵnı koronavırýsqa qarsy egilmegen, ımmýnıtet qalyptaspaǵan eresek adamdar ekenin kórsetken.

«Sondyqtan otbasynda medıtsınalyq qarsy kórsetilimderi joq, ımmýndaýǵa jatatyn eresek adamdardyń vırýsqa qarsy ekpe alyp, qorǵanysty kúsheıtýi balalar arasyndaǵy aýrýshańdyqtyń aldyn alýda mańyzdy.

Koronavırýstyq ınfektsııanyń sońǵy jańa «omıkron» varıantynyń «stels» túri álemde 2021 jylǵy jeltoqsan aıynan bastap aınalymda. Aǵymdaǵy jylǵy maýsym aıynda ótkizilgen PTR skrınıng barysynda respýblıka boıynsha tekserilgen úlgilerdiń 78% «stels-omıkron» ekeni anyqtaldy», - dep jazdy komıssııa.