Qazaqstanda koronavırýsqa shaldyqqandar sany artyp keledi

ASTANA. QazAqparat – Elimizde koronavırýsqa shaldyǵýdyń táýliktik kórsetkishi artty, dep habarlaıdy QazAqparat Densaýlyq saqtaý mınıstrligine silteme jasap.

16 qarashadaǵy bir táýlikte koronavırýs 72 adamnan, koronavırýs belgileri bar pnevmonııa 14 adamnan anyqtaldy.

Qazir el óńirlerinde koronavırýstan - 609 (KVI+), koronavırýs pnevmonııasynan - 177 (KVI-), barlyǵy 786 adam emdelip jatyr. 90 patsıent statsıonarda, 696-sy ambýlatorııalyq deńgeıde em qabyldaýda.

KVI+, KVI- shaldyqqandardyń arasynda:

- 8 adamnyń jaǵdaıy aýyr,

- 2 patsıenttiń jaǵdaıy óte aýyr,

- 2 naýqas ókpeni jasandy jeldetý apparatyna qosylǵan.

Aıta keteıik, 15 qarashada koronavırýs – 60 adamnan, pnevmonııa 10 adamnan anyqtalǵan bolatyn.