Qazaqstanda koronavırýsqa shaldyqqandar 3,2 ese ósti

NUR-SULTAN. QazAqparat – Sońǵy eki aptada koronavırýspen aýyrǵan adamdardyń sany 3,2 ese ósti. Bul týraly Úkimet otyrysynda Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Búkil álemde koronavırýs ınfektsııasyna shaldyǵý deńgeıi ósip keledi.

Elimizde pandemııa bastalǵannan beri resmı statıstıkaǵa sáıkes, koronavırýs ınfektsııasymen 1 mln 400 myńnan astam adam aýyryp, aýrýdyń 5 tolqyny boldy. Maýsymnyń 20-synan bastap respýblıka boıynsha KVI-niń kóterilýi bastaldy. Sońǵy eki aptada aýyrǵan adamdardyń sany (10 714 jaǵdaıdan 34 550 jaǵdaıǵa deıin) 3,2 ese ósti. Ótken táýlikte KVI-diń oń nátıjesimen 2021 jaǵdaı, KVI-diń teris nátıjesimen 1 jaǵdaıy tirkeldi, ólim-jitim bolǵan joq», - dedi A. Ǵınııat.

Onyń aıtýynsha, mınıstrlik 15 shildeden bastap syrqattaný kórsetkishin 100 myń turǵynǵa shaqqandaǵy aýrýhanaǵa jatqyzý kórsetkishine aýystyra otyryp, tıisti matrıtsany ózektendirdi.

Sonymen qatar mınıstr tamyz aıynda koronavırýs ınfektsııasynyń ortasha táýliktik kórsetkishi 4 myń jańdaıǵa deıin ósetindigin, alaıda qyrkúıek aıynda koronavırýstyń taralýy tómendeıtinin boljady.