Qazaqstanda koronavırýsqa shaldyǵý 36 paıyzǵa tómendedi
«Búkil álemde KVI-diń 230 mln-nan astam jaǵdaıy tirkeldi. Táýligine 300 myńnan astam jaǵdaı tirkelip jatyr, 4,7 mln-nan astam adam qaza tapty. DDSU Eýropalyq óńiriniń málimetterine sáıkes, sońǵy 2 aptada 54 eldiń 22-sinde aýrý ósimi baıqalady. Sońǵy 14 kúnniń ishinde aýrýdyń eń joǵary ósimi Ýkraınada baıqalyp, onda 1 apta ishinde vırýs juqtyrý 100 paıyzdan astamǵa, Polsha, Vengrııa, Moldovada 77 paıyzǵa, Armenııa, Túrkııa, Belarýsta 16-dan 30 paıyzǵa deıin ósti», - dedi Alekseı Tsoı.
Onyń dereginshe, koronavırýs juqtyrý kórsetishi DDSU eýropalyq óńirlik bıýrosyna kiretin 32 elde tómendegen. Atap aıtqanda, Ispanııada – 57, Shveıtsarııa, Frantsııa jáne Ázerbaıjanda – 40, Qyrǵyzstanda – 36, Grýzııada – 32, Italııada – 28, Izraılde – 21, Germanııada 18 paıyzǵa azaıǵan.
«Qazaqstanda da naýqastaný kórsetkishiniń tómendegeni baıqalyp, sońǵy 2 aptada aýrý juqtyrý kórsetkishi 36 paıyzǵa tómendedi», - dedi mınıstr.
Alekseı Tsoıdyń aıtýynsha, 1 tamyzdan bastap elimizde ınfektsııalyq tósek-oryndar júktemesi 56-dan 33 paıyzǵa, reanımatsııalyq tósek-oryn júktemesi 45-ten 32 paıyzǵa tómendedi. Respýblıkada 57 kovıdtik statsıonar jabyldy.