Qazaqstanda koronavırýsqa qarsy vaktsına kimderge egiledi

NUR-SULTAN. QazAqparat - QR Densaýlyq saqtaý mınıstrligi koronavırýsqa qarsy vaktsınaǵa qatysty josparlarymen bólisti, dep habarlaıdy QazAqparat tilshisi.

«Koronavırýs ınfektsııasyna qarsy vaktsına jasaýdy josparlaý vaktsına ázirlenip, klınıkalyq synaqtan ótkennen keıin jáne preparat baǵasy anyqtalǵannan soń bastalýy múmkin. Qazirgi ýaqytta vaktsına áli ázirlenbegen jáne onyń baǵasy da aıqyndalǵan joq», - dep málim etti Densaýlyq saqtaý mınıstrliginen.

Sonymen qatar vedomstvonyń atap ótýinshe, aldyn ala boljamǵa sáıkes, vaktsına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medıtsına qyzmetkerlerine salynatyn bolady. Vaktsına alatyn adamdardyń boljamdy sany 2 347 000 adamdy quraıdy.

Esterińizge sala keteıik, Qazaqstanda ótken táýlikte 1452 adamnyń koronavırýs indetimen aýyrǵany belgili boldy. Onyń ishinde 924 adam klınıkalyq belgileri joq tasymaldaýshy retinde tirkeldi. Jalpy el boıynsha aýyrǵandar sany 47 171 adamǵa jetip otyr.