Qazaqstanda koronavırýs juqtyrǵandardyń 98%-dan astamy saýyǵyp ketti

NUR-SULTAN. QazAqparat – Qazaqstanda koronavırýs juqtyrǵandardyń 98%-dan astamy aýrýdan jazylyp ketti. Bul týraly QazAqparat sanıtarııalyq-epıdemıologııalyq baqylaý komıtetiniń resmı ókili Erjan Baıtanaevqa silteme jasap habarlaıdy.

Resmı ókil taratqan málimetterge qaraǵanda, Qazaqstanda COVID-19 boıynsha epıdemıologııalyq jaǵdaı turaqty, táýligine 20-ǵa deıin ınfektsııa juqtyrý deregi tirkeledi. Bul ınfektsııanyń taralý koeffıtsıentine de áser etti, sáýir aıynan beri bul kórsetkish 1-den tómen. Naýqastardyń 98%-dan astamy saýyǵyp shyqty.

«Sońǵy aıda statsıonarlyq em alatyn naýqastar sany 5,7 esege (588-den 102-ge deıin), ambýlatorııalyq em alyp jatqan naýqastar - 3,4 esege (5655-ten 1655-ke deıin), ınfektsııalyq tósek oryndarynyń júktemesi 2,0 esege (8-den 4%-ǵa deıin), reanımatsııalyq tósekter júktemesi 3,5 esege 7-den 2% - ǵa deıin tómendedi»,-delingen habarlamada.