Qazaqstanda koronavırýs juqtyrǵan 416 patsıenttiń jaǵdaıy óte aýyr
08:54, 07 Tamyz 2021
NUR-SULTAN. QazAqparat - Qazaqstanda koronavırýs ınfektsııasyna shaldyqqan 416 patsıenttiń jaǵdaıy óte aýyr, dep habarlaıdy QazAqparat Densaýlyq saqtaý mınıstrligine silteme jasap.
Qazaqstanda koronavırýs ınfektsııasyna shaldyqqandar týraly 7 tamyzdaǵy málimet boıynsha, 109 163 adam koronavırýs ınfektsııasynan (–105 454 + jáne 3 709 KVI-) emdelip jatyr. Olardyń ishinde 29 961 patsıent statsıonarda jatyr, 79 202 naýqas ambýlatorııalyq deńgeıde em qabyldap júr.
KVI+, KVI- shaldyqqandardyń arasynda: 1 871 adamnyń jaǵdaıy aýyr, 416 patsıenttiń jaǵdaıy óte aýyr, 191 naýqas ÓJJ apparatynda jatyr.