Qazaqstanda koronavırýs vaktsınasynan chıp tabyldy degen jalǵan aqparat tarady
Stopfake.kz resýrsynyń habarlaýynsha, jelide Qazaqstannyń barlyq turǵyndaryna arnalǵan «vıdeoeskertý» tarady. Rolıktiń avtory chıpi bar shprıtsterdi kameraǵa kórsetedi.
Kadr syrtyndaǵy adam mundaı vaktsınatsııadan keıin «adam birden tozaqqa túsedi» deıdi. Munyń barlyǵy – feık.
Shyn máninde, rolık avtorynyń kórsetkeni - janýarlardy chıpteýge arnalǵan júıe. Ony kadrda kórinetin qaptamadaǵy jazýdan bilýge bolady: Animal ID, ICAR Certified.
Shprıtstegi dál osyndaı chıpterdi ınternet dúkender men dárihanalardan ońaı tabýǵa bolady. Sıpattamada olar iri qara men usaq maldarǵa arnalǵan dep jazylǵan.
Qurylǵylar janýarlarǵa teri astyna engiziledi jáne aqparat beretin «pasport» qyzmetin atqarady. Bul - shekaradan ótkiziletin janýarlar úshin mindetti.
Keıbir elderde ıeleri memleketten tys shyǵarýdy josparlamasa da kez kelgen úı janýaryn chıpteý qajet.
Sondaı-aq, COVID-19 vaktsınasynyń bir dozasyn satyp alyp, ony úıge ákelý múmkin emes ekenin atap ótkenimiz jón.
Jappaı vaktsınatsııa naýqany ázirge tek Ulybrıtanııa men AQSh-ta ǵana bastaldy, onda ekpe patsıentterge tek medıtsınalyq mekemelerde ǵana jasalady.
Qazaqstanda azamattardy vaktsınalaý áli bastalǵan joq.
Bul vıdeodaǵy chıp kez kelgen vaktsınanyń bóligi bola almaıtyndyǵyn, tek úı janýarlary men maldy tirkeý quraly ekenin dáleldeıdi.