Qazaqstanda koronavırýs pen pnevmonııadan taǵy 24 adam qaıtys boldy
09:03, 28 Qańtar 2022
NUR-SULTAN. QazAqparat – Koronavırýs jáne koronavırýs belgileri bar pnevmonııadan elimizde taǵy 24 adam qaıtys boldy. Bul týraly QR Densaýlyq saqtaý mınıstrliginen málim etti, dep habarlaıdy QazAqparat.
26 qańtardaǵy málimetke sáıkes, koronavırýs pnevmonııasynyń jańadan 148 jaǵdaıy anyqtaldy, qaıtys boldy – 7 adam.
Jalpy, 2020 jylǵy 1 tamyzdan bıylǵy 26 qańtarǵa deıin koronavırýs pnevmonııasynyń 85 994 deregi tirkeldi. Qaıtys boldy – 5 260 naýqas.
Sondaı-aq mınıstrlik aqparatyna súıensek, el óńirlerinde koronavırýs ınfektsııasynan 17 adam kóz jumdy. Іndetti bir táýlikte juqtyrǵandar sany – 12 558.
2020 jylǵy 13 naýryzdan bıylǵy 27 qańtarǵa deıin koronavırýs barlyǵy 1 204 769 adamnan anyqtaldy. Qaıtys boldy – 13 194 adam.
Aıta keteıik, Densaýlyq saqtaý mınıstrliginiń keshegi málimeti boıynsha, elimizde koronavırýs pen koronavırýs pnevmonııasynan 15 adam qaıtys bolǵan edi.