Qazaqstanda konstıtýtsııalyq reformanyń úshinshi kezeńi bastaldy - sarapshy
«Saıası protsess kezeńdik teorııa sáıkes damıdy. Bizde Qazaqstan saıasaty damýynyń belgili bir kezeńi ótti. Elimizdegi konstıtýtsııalyq protsestiń de ózindik tarıhy bar. Óıtkeni Konstıtýtsııaǵa túzetýler alǵan ret engizilip otyrǵan joq qoı»,- dedi Býlýktaev QazAqparat tilshisine bergen suhbaty barysynda.
Ǵalym 1998 jyly saıası júıeni demokratııalandyrý maqsatynda Konstıtýtsııaǵa túzetýler engizilgendigin eske salyp ótti. Ol kezde alǵash ret partııalyq tizim boıynsha Májilis saılaýyna partııalardyń qatysýyna ruqsat berildi. Sol ýaqytta partııalarǵa 10 oryn ǵana bólingen edi. Degenmen, bul demokratııalaný baǵytyndaǵy qadam boldy. 2007 jyly Konstıtýtsııaǵa jańa, barynsha negizdi túzetýler toptamasy qosyldy. Túzetýler demokratııalyq protsesterdi tereńdete túsýdi kózdedi. Májiliske saılaýdyń tolyqtaı proportsıonaldy júıesi engizildi. Sol ýaqyttan beri Májilis partııalyq tizimmen jasaqtalady. Sonymen qatar Qazaqstan halqy Assambleıasy óz depýtattaryn usynady.
ıÝrıı Býlýktaevtyń atap ótýinshe, Qazaqstandaǵy konstıtýtsııalyq reformalardyń árbir kezeńi shaamen 10 jyldy qamtıdy. Endi ýaqytta Memleket basshysy el damýynyń jańa kezeńi bastalatyndyǵyn jarııa etip otyr. Osyǵan baılanysty bılik tarmaqtary arasyndaǵy ókilettikterdi qaıta bólýge negizdelgen jańa túzetýler toptamasy Konstıtýtsııaǵa engizilmek. Al Qazaqstan Prezıdentiniń Qazaqstan halqyna Joldaýy ekonomıkalyq sıpatqa ıe bolǵanymen konstıýtsııalyq reformalarmen túıindesedi.
Sarapshynyń aıtýynsha, tolyqtaı alǵanda konstıtýtsııalyq reforma bılik tarmaqtary ókilettikterin qaıta bólýge baǵyttalǵan. Biraq, bul konstıtýtsııalyq qurylym men saıası rejimniń negizine qatysy bar degendi bildirmeıdi. Qazaqstan basqarýdyń prezıdenttik formasyndaǵy respýblıka bolyp qala beredi. 26 aqpanda aıaqtalatyn talqylaýdan keıin Konstıtýtsııaǵa túzetýler toptamasy Parlament qaraýyna engiziledi.