Qazaqstanda kómir men lıgnıtti avtokólikpen áketýge tyıym salyndy

ASTANA. QazAqparat – Elimizdiń aýmaǵynan kómir men lıgnıtti (sýly, tómen kalorııaly jáne aǵashtyń qosyndylary bar qońyr kómirdiń bir túri) avtomobıl kóligimen áketýge 6 aıǵa shekteý qoıyldy, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

Atalǵan tártip halyqty jáne kommýnaldy-turmystyq sektordy kómirmen qamtamasyz etý, sondaı-aq jylý berý maýsymyna daıyndyq pen osy kezeńdegi energetıkalyq qaýipsizdikti saqtaý maqsatynda yqtımal dúrbeleńdi aldyn alý úshin qolǵa alyndy.

Bul shekteýge sáıkes:

– tas kómir, brıketter, túıirshikter jáne qatty otynnyń uqsas túrleri, kómirden alynǵan – tas kómir, shańdy kómir nemese shańsyz, biraq aglomeratsııalanbaǵan (Eýrazııalyq ekonomıkalyq odaqtyń syrtqy ekonomıkalyq qyzmetiniń taýar nomenklatýrasynyń TN VED 2701 kody boıynsha);

– gagattan basqa aglomerlenbegen nemese kómirteksiz lıgnıt nemese qońyr kómirdi 6 aı merzimge avtomobıl kóligimen shyǵarýǵa tyıym salyndy (TN VED 2702).

Osy ýaqytsha engizilip otyrǵan shekteý bıyl 22 aqpanda ótkizilgen Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń otyrysynda qoldaý tapty.