Qazaqstanda komendanttyq saǵat engizile me – mınıstrdiń jaýaby

NUR-SULTAN. QazAqparat –Qazaqstanda komendanttyq saǵat engizilmeıdi. Bul týraly Ortalyq kommýnıkatsııalar qyzmetinde ótken baspasóz maslıhatynda QR Ádilet mınıstri Marat Beketaev málimdedi, dep habarlaıdy QazAqparat tilshisi.

«Elimizde komendanttyq saǵat engizilmeıdi jáne bul másele talqylanbaıdy da. Vırýsty ınfektsııanyń taralý qaýpin azaıtýdy qamtamasyz etý úshin tótenshe jaǵdaı rejımi de jetkilikti», - dedi mınıstr.

Sondaı-aq Ádilet mınıstrligi Zańnama departamentiniń dırektory Oljas Danabekov komendanttyq saǵat qandaı jaǵdaıda engiziletinin túsindirdi.

«Komendanttyq saǵat engizý Tótenshe jaǵdaı týraly zań negizinde júzege asady. Ony engizý úshin zańda kórsetilgen on shaqty negiz bolýy kerek», - dedi Oljas Danabekov.