Qazaqstanda kolledjderge akademııalyq derbestik berildi
Qazaqstanda kolledjderge akademııalyq derbestik berildi
NUR-SULTAN. QazAqparat - Kolledjderge akademııalyq derbestik berildi.
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Tehnıkalyq jáne kásiptik bilim berý júıesi neǵurlym ıkemdi jáne bilim alýshylardyń eń talap etiletin quzyretterin qalyptastyrýǵa baǵdarlanǵan bolady. Qazaqstandyq kolledjderge akademııalyq derbestik berildi. Endi olardyń ózderi jumys berýshilermen birlesip, bilim berý baǵdarlamalarynyń mazmuny men oqý merzimderin aıqyndaıtyn bolady», - A. Aımaǵambetov.
Onyń aıtýynsha, bilim berý baǵdarlamalary stýdentterge qajetti biliktilikti alýǵa jáne qysqa merzimde jumysqa ornalasýǵa, al qajet bolǵan jaǵdaıda qosymsha basqa biliktilikti alýǵa múmkindik beredi. Bul sharalar óndiristegi tehnologııalyq ózgeristerge jáne eńbek naryǵynyń suranystaryna beıimdelýge múmkindik beredi. Osylaısha, kolledjder jumys berýshilerdiń talaptaryna sáıkes keletin mamandardy daıarlaıtyn bolady.
Budan buryn habarlanǵandaı, bıyl pedagogtardyń quqyqtaryn buzý týraly júzden astam ótinish qaraldy.
2022 jyldyń qańtarynda balabaqsha men mektep, kolledj pedagogtarynyń jalaqysy 25 paıyzǵa ósedi.