Qazaqstanda kolledjder bazasynda shaǵyn kásiporyndar qurylýda

<p>ASTANA. KAZINFORM - Qazaqstandyq kolledjder bazasynda stýdentterdiń kásipkerlik, bıznes-josparlaý jáne startap jobalardy damytý boıynsha bilim alýyna jaǵdaı jasaý maqsatynda shaǵyn kásiporyndar qurylýda, dep habarlaıdy QR Oqý-aǵartý mınıstrliginiń baspasóz qyzmeti.&nbsp;</p>

Endi kolledjder óz bazasynda shyǵarǵan taýarlar men qyzmetterden tabys taba alady. Stýdentter jıhaz jasaý, tigin tigý, kondıterlik jáne nan-toqash ónimderin pisirý sekildi kásipterdi ıgere otyryp, ony kiris kózine aınaldyrý daǵdylaryn da meńgeredi.

«Bul kásiporyndar stýdentterge túrli kásibı daǵdylardy ıgerýge, onyń ishinde kommýnıkatsııa qurýǵa, jobalardy basqarýǵa, marketıng jáne qarjy boıynsha bilim alýǵa múmkindik beredi jáne olardyń alǵan bilimderin is júzinde qoldanýǵa múmkindik beredi. Shaǵyn kásiporyndar esebinen túsken qarajat oqý oryndarynyń materıaldyq-tehnıkalyq bazasyn nyǵaıtýǵa jumsalady, bul olardyń damýyna jáne bilim berý sapasyn arttyrýǵa yqpal etedi», — dep atap ótti Tehnıkalyq jáne kásiptik bilim departamentiniń dırektory Aset Muhanbetov.

Qazirgi ýaqytta TjKB uıymdary bazasynda 26 shaǵyn kásiporyn jumys isteıdi. Jyl sońyna deıin taǵy 14 jańa kásiporyn ashý josparlanýda.