Qazaqstanda kólik salyǵy joıylmaıtyn boldy

<p>Elimizde kólik salyǵy joıylmaıtyn boldy. Bul týraly Ulttyq ekonomıka mınıstri Álibek Qýantyrov aıtty, dep habarlaıdy&nbsp;<a href="Kazinform" target="_blank" rel="noopener">Kazinform.</a></p>

«Endigi ýaqytta kólik salyǵyna qatysty másele talqylanbaıdy. Ol qala beredi», – dedi mınıstr Májilis otyrysynan keıin BAQ ókilderiniń saýalyna oraı.

Buǵan deıin Ulttyq ekonomıka vıtse-mınıstri Azamat Ámrın kólik salyǵyn joıý múmkindigine qatysty pikir bildirgen bolatyn.

«Bul másele jańa Salyq kodeksi aıasynda talqylanyp jatyr. Ol sán-saltanat salyǵymen birge keshendi túrde qarastyrylady. Shynymen de kólik salyǵyn benzınge arnalǵan aktsızge aýystyrý nusqasy talqylanýda. Biraq, ony tyńǵylyqty qarastyrǵan jón. Óıtkeni, biz saralaımyz. Kólik salyǵy qozǵaltqysh kólemi 4 nemese 3,5 lıtrge deıingi avtomobılder úshin joıý kózdeletin shyǵar. Qazir qosymsha esepteýler júrgizip jatyrmyz», - degen edi Azamat Ámrın Úkimet otyrysynan keıin uıymdastyrylǵan brıfıngte.