Qazaqstanda kólik quraldaryn tirkeý jáne júrgizýshilerdi daıarlaý qaǵıdalary ózgerdi

<p>ASTANA. KAZINFORM &mdash; 2024 jylǵy 23 sáýirden bastap elimizdiń mamandandyrylǵan HQKO-larynda kólik quraldaryn tirkeý barysynda mindetti notarıattyq kýálandyrylǵan kólikti satyp alý-satý sharttaryn qabyldaıtyn bolady. Bul rette mámileniń jazbasha nysany joıylady.</p>

«Azamattarǵa arnalǵan úkimet» memlekettik korporatsııasy» KEAQ-tyń BQO boıynsha fılıalynyń baspasóz qyzmetinen málim etkenindeı, bul ózgerister memlekettik qyzmet kórsetý kezinde ashyqtyqty qamtamasyz etýge baǵyttalǵan.

Eger azamattar qaıta tirkeý úshin kólikti satyp alý-satý mámilelerin notarıaldy kýálandyrǵysy kelmegen jaǵdaıda, olar ekinshi deńgeıdegi bankterdiń qosymshalary arqyly kólik quralyn onlaın qaıta rásimdeı alady.

Sonymen qatar, 23 sáýirden bastap júrgizýshi kýáligin alýǵa úmitkerler emtıhandy tek avtomektepti bitirgennen keıin ǵana tapsyra alady. A jáne V, sondaı-aq A1 jáne V1 sanatyndaǵy kýálikterge úmitker júrgizýshilerdiń ózin-ózi daıarlaý arqyly emtıhan tapsyrýyna múmkindik beretin tarmaqtar emtıhandardy qabyldaý jáne júrgizýshi kýálikterin berý qaǵıdalarynan alynyp tastaldy.

«Engizilgen jańashyldyqtar kólik quraldaryn tirkeý jáne esepke alý, sondaı-aq júrgizýshilerdi daıarlaý qaǵıdalaryna ózgerister men tolyqtyrýlar enýiniń arqasynda múmkin boldy. Bul ákimshilik protsesterdiń tıimdiligin arttyrýǵa jáne jol qozǵalysy qaýipsizdiginiń joǵary deńgeıin qamtamasyz etý úshin qajet. Ózgerister «Jol qozǵalysy týraly» QR Zańynyń erejelerine negizdelip, QR ІІM Ákimshilik polıtsııa komıtetimen ázirlendi. Qaǵıdaǵa barlyǵy 53 túzetý engizildi. Túzetýler jarııa talqylaýdan, sybaılas jemqorlyqqa qarsy saraptamadan ótti jáne ishki ister organdary men «Atameken» QR Ulttyq kásipkerler palatasynyń qyzmeti jónindegi qoǵamdyq keńespen maquldandy. «Azamattarǵa arnalǵan úkimet» barlyq kólik ıeleri men júrgizýshi kýáligin alýǵa úmitkerlerdi jańa erejelermen tanysýǵa keńes beredi. Jańartylǵan erejelerdiń tolyq mátinimen portalda tanysýǵa bolady: https://adilet.zan.kz/kaz/docs/V2400034240», dep habarlady vedomstvodan.

Eske sala keteıik, budan buryn «Azamattarǵa arnalǵan úkimettiń» 111 baılanys qyzmetine kimder kóbirek júginetinin jazǵan bolatynbyz.