Qazaqstanda kóliktik-logıstıkalyq ortalyqtardy damytýǵa 100 mlrd. teńgeden astam ınvestıtsııa salynady
«Elimizdiń Kóliktik-logıstıkalyq habyn qalyptastyrýdyń negizi baǵyty retinde «Qorǵas-Shyǵys qaqpasy» AEA-ny damytý bolyp tabylady. Bul Qazaqstannyń eksporttyq áleýet pen tranzıttik áleýetti keńeıtýdiń negizgi jobasy bolyp tabylady. Osy jobaǵa baǵyttalatyn jalǵy ınvestıtsııa kólemi 80 mlrd. teńgeni quraıdy. Respýblıkalyq bıýdjet esebinen qarjylandyrý 37 mlrd. teńgege jetedi», - dedi kompanııanyń vıtse-prezıdenti.
Onyń sózine qaraǵanda, QTJ-nyń negizgi jumysy basty ınfraqurylymdardy qalyptastyrýǵa baǵyttalady. Birinshi kezekte qurǵaq porttyń qurylysy, sondaı-aq logıstıkalyq aımaqtaǵy ınfraqurylymdy qalyptastyrýǵa negizdelmek.
«Bizdiń tarapymyzdan iske asyrylyp otyrǵan kelesi úlken joba ishki kóliktik logıstıkalyq jelisine nemese ortalyqtardy qalyptastyrýǵa baılanysty. Osy jobany bıyldyń basynan beri júzege asyrýdamyz. Bul turǵyda birinshi jobalardyń biri Astana, Shymkent qalalarynda termınaldardy qalyptastyrýǵa qatysty. Biz olar boıynsha birinshi kezekti jyl sońyna deıin tapsyrýdy josparlap otyrmyz. Elimiz boıynsha kóliktiń-logıstıkalyq ortalyqtarǵa jalpy ınvestıtsııa 110 mlrd. teńgeden asyp túsedi», - dedi ol.