Qazaqstanda kóliktegi energııany únemdeý baǵdarlamasy ázirlenedi
17:23, 21 Qazan 2014
ASTANA. QazAqparat - Qazaqstanda 2015 jyly kóliktegi energııany únemdeý baǵdarlamasy ázirlenedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Energetıka birinshi vıtse-mınıstri Uzaqbaı Qarabalın málim etti.
«Energetıka mınıstrligi múddeli memlekettik organdarmen birlesip, 2015 jyly kóliktegi energııany únemdeý baǵdarlamasyn ázirleıdi. Atalǵan baǵdarlamany júzege asyrý Qazaqstannyń avtoparki qoryn jańartýǵa, munaı ónimderiniń tutynylý kólemin tómendetýge múmkindik beredi», - dedi ol.
Sonymen qatar, onyń sózine qaraǵanda, atalǵan sharalar elimizdegi shaǵyn kólemdi dvıgateldi avtomobılderdiń sanynyń artýyna jáne respýblıkadaǵy ekologııalyq ahýaldyń jaqsarýyna múmkindik beredi.
«Bul sharalar bizdiń qalalardaǵy ekologııalyq máselelerdi sheshýge zor úles qosyp, janarmaımen jabdyqtaý turaqtylyǵyn arttyrýǵa múmkindik beredi», - dedi birinshi vıtse-mınıstr.