Qazaqstanda kólikpen jolaýshy tasymaldaý 4 paıyzǵa qymbattady

NUR-SULTAN. QazAqparat – Elimizde avtokólikpen jolaýshy tasymaldaý qyzmeti 4 paıyzǵa qymbattady, dep habarlaıdy QazAqparat tilshisi.

Finprom.kz portalynyń málimetinshe, osy jyldyń birinshi jartyjyldyǵynda avtokólik jáne qalalyq elektr kóligi kásiporyndarynyń kirisi 192,5 mlrd teńgege jetti. Bul ótken jylmen salystyrǵanda 40,8 paıyzǵa kóp. Onyń ishinde shamamen 137,3 mlrd teńge júk tasymalynan, 55,1 mlrd teńge jolaýshy tasymalynan, 68,1 mlrd teńge júrgizýshileri nemese ekıpajy bar kólik quraldaryn lızıngke berýden tústi.

Kólik túrleri boıynsha tabys:

- júk avtokóliginen 137,3 mlrd teńge (aqshamen eseptegende 47,6 paıyz ósim);

- avtobýstarmen tasymaldaýdan 49,4 mlrd teńge (+28,9%)

- taksı qyzmeti esebinen 2,2 mlrd teńge (+1,9%);

- tramvaımen tasymaldaý esebinen 952,6 mln teńge (+13,2%);

- trolleıbýspen tasymaldaý esebinen 942,7 mln teńge (+26,3%).

Óńirler arasynda eń kóp jolaýshylar tasymaly Almaty qalasynda tirkeldi. Onda 884,3 mln adam tasymaldandy. Odan keıingi orynda Qostanaı men Pavlodar oblystary tur. Jolaýshylar tasymaly eń az óńirler - Mańǵystaý, Ulytaý jáne Qyzylorda oblystary.

Sondaı-aq málim etilgendeı, bıylǵy jyldyń maýsym aıynda avtokólikpen jolaýshylar tasymaldaý baǵasy ótken jylmen salystyrǵanda 4 paıyzǵa qymbattady. Baǵanyń eń joǵary ósýi Almaty oblysynda (+9,8%) baıqaldy. Odan keıingi oryndarda Túrkistan (+8,5%) jáne Qostanaı (+6,2%) oblystary tur.