Qazaqstanda kólik quraldaryn tirkeý kýáligine mıkrochıp ornatylady

ASTANA. QazAqparat - Qazaqstanda kólik quraldaryn tirkeý kýáligi ózgeredi, dep habarlaıdy QazAqparat tilshisi.

Elektrondyq úkimet portalynda «Júrgizýshi kýáligi jáne kólik quralyn tirkeý týraly kýálik blankileriniń nysandary men úlgilerin bekitý týraly» Qazaqstan Respýblıkasy Іshki ister mınıstriniń 2014 jylǵy buıryǵyna ózgerister men tolyqtyrýlar engizý týraly buıryq jobasy ornalastyrylǵan. Joba 2 qazanǵa deıin kópshilik talqylaýyna usynylyp otyr.

Atap ótilgendeı, buıryq qoldanysqa engizilgenshe buǵan deıin daıyndalǵan jáne berilgen tehpasporttar kólikter qaıta tirkeýden ótkenge deıin jaramdy bolady. Tirkeý týraly jańa kýálikter 2019 jyldyń 1 qańtarynan bastap kezeń-kezeńimen beriledi.

Anyqtalǵandaı, jańa tehpasporttardyń kólemi shaǵyn jáne ol túrli-tústi bolady. Sondaı-aq oǵan arnaıy mıkrosyzba ornalastyrylady.

Mıkrochıpte bolatyn málimetter: memlekettik tirkeý nómiri; kýáliktiń serııasy men tirkeý nómiri; kýáliktiń berilgen kúni; markasy, modeli; kólik quralynyń shyǵarylǵan jyly; kólik quralynyń sanaty; esepten shyǵarylǵany týraly belgi; sáıkestendirý nómiri (VIN); júktemesiz massasy kg.; ruqsatr etilgen max massasy, kg; kólik quralynyń túsi; kólik quralynyń ıesi; turǵylyqty jeri; erekshe belgiler; bastapqy tirkelgen kúni; kólik quralyn qaıta jabdyqtaý túrleri týraly málimetter jáne taǵy basqasy.

Qajettiligine qaraı, málimetter engiziletin joldar ózgertilýi jáne qosylýy múmkin.