Qazaqstanda qoldaýǵa muqtaj azamattardyń portreti ázirlenedi

NUR-SULTAN. QazAqparat – Elimizde qoldaýǵa muqtaj azamattardyń portreti ázirlenedi. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Serik Shápkenov aıtty, dep habarlaıdy QazAqparat tilshisi.

«Eńbek naryǵynda 300 myńǵa tarta jumyssyz jáne NEET sanatyndaǵy jastar, 80 myńnan astam kópbalaly jáne múgediktigi bar bala tárbıelep otyrǵan az qamtylǵan otbasylar bar. Bul árbir muqtaj top úshin arnaıy tásilder, quraldar qabyldaýdy talap etedi», - dedi mınıstr.

Sondyqtan mınıstrdiń atap ótýinshe, birinshiden, aqparattyq júıelerdi saraptaý nátıjesinde áleýmettik qoldaýdy jáne jumyspen qamtýdy qajet etetin azamattardy «Erte anyqtaý júıesi» engiziledi. Bul oraıda Tsıfrlyq karta arqyly áleýmettik mártebesi joq, qoldaýǵa muqtaj azamattardyń portreti ázirlenip, olardyń naqty qajettilikteri anyqtalatyn bolady.

«Ekinshiden, NEET jastar úshin «Alǵashqy jumys orny», túlekter úshin «Jastar praktıkasy», «Urpaqtar kelisimsharty» jobalary aıasynda sýbsıdııalaýdyń uzaqtyǵy men mólsheri ulǵaıtylady», - dedi Serik Shápkenov.