Qazaqstanda kóktemgi áskerge shaqyrý naýqany bastaldy (FOTO)

ASTANA. QazAqparat - Búgin, 2016 jyldyń 1 sáýirinde elimizdiń barlyq óńirlerinde «Áskerı qyzmet pen áskerı qyzmetshilerdiń mártebesi týraly» QR Zańyna sáıkes jas azamattardy merzimdi áskerı qyzmetke shaqyrý bastaldy, dep habarlady QR Qorǵanys mınıstrliginiń baspasóz qyzmeti.

2016 jyldyń kókteminde Qazaqstanda merzimdi áskerı qyzmetke keıinge shaqyrylýǵa nemese shaqyrylýdan bosatylýǵa quqyǵy joq azamattar, 18 ben 27 jas aralyǵyndaǵy jastar, sondaı-aq oqý oryndarynan shyǵarylǵan, jasy 27-ge tolmaǵan jáne shaqyrý boıynsha áskerı qyzmettiń belgilengen merzimin ótkermegen 14 myńnan asa qazaqstandyq shaqyrylýǵa jatady.

«Kóktemde orta-arnaýly jáne orta bilimi bar bozbalalarǵa basymdylyq beriledi. Qazir Qarýly Kúshter men basqa da áskerlerge zamanaýı qarý-jaraq pen áskerı tehnıka kelip túsýde.  Olarǵa qyzmet kórsetý qajet. Fýnktsıonaldyq mindetterdi oryndaý úshin daıyndalǵan mamandar kerek», - dedi QR QK Bas shtaby Uıymdastyrý-jumyldyrý jumystary departamenti bastyǵynyń orynbasary, polkovnık Amantaı Úserbaev.  

Shaqyrý ýchaskelerine tirkeý sátinen bastap jáne olardyń áskerge shaqyrylǵanyna deıin jergilikti áskerı basqarý organdarymen merzimdi áskerı qyzmetke shaqyrylýǵa jatatyn azamattardy júıeli túrde zerdeleý júrgiziledi.

«Bıylǵy jyly 30 myńǵa jýyq azamatty shaqyrý josparlanýda. Onyń ishinde 15 myńy kóktemgi shaqyrýǵa jatady. Dene daıarlyǵy boıynsha sporttyq jetistikteri bar anaǵurlym daıyndalǵan Aeroutqyr áskerlerin jasaqtaýǵa asa mán berilýde. Dáriger mamandarymyz árbir shaqyrylýshyny, ıaǵnı, onyń áskerı qyzmetke densaýlyq jaǵdaıynyń jaramdylyq dárejesin jiti tekseredi», - dedi Departament bastyǵynyń orynbasary - Astana qalasy QІJD kelisimshart jáne shaqyrylý boıynsha áskerı qyzmetshilerdi jınaqtaý basqarmasynyń bastyǵy, polkovnık Ǵanı Artyqov. 

QR Úkimetiniń qaýlysyna sáıkes shaqyrylýshylardyń densaýlyq jaǵdaıyna jańa talaptar engizildi. Medıtsınalyq kýálandyrýdy jaqsartý boıynsha qosymsha sharalar qarastyrylǵan.

«Shaqyrylýshylardyń fızıkalyq jaı-kúıi týraly aıtatyn bolsaq, aldyńǵy jyldardaǵy shaqyrýlarmen salystyrǵanda ár jyl saıyn fızıkalyq jaǵdaılary jaqsaryp keledi. Múmkin, salaýatty ómir saltyn ustanýdyń nasıhattalýy yqpal etken bolar», - dep shaqyrý boıynsha baqylaý komıssııasynyń dárigeri Tatıana Shevelýha atap ótti.

«Qazirgi zamanǵy jaǵdaıdaǵy shaqyrýdyń ereksheligi - onyń qaltqysyzdyǵynda bolyp otyr. Ashyq túrde ótkizilýi eń aldymen, shaqyrý komıssııasynyń jumysyna qoǵam ókilderiniń qatysýy arqasynda qol jetkizip otyrmyz», - delingen habarlamada.