Qazaqstanda kóktemgi ańshylyq maýsymy ashyldy
Kóktemde tıisti ańshylyq sharýashylyǵy sýbektisi qoryqshysynyń baqylaýymen qońyr aıý, úırek, qara torǵaı jáne tizimde kórsetilgen basqa da janýarlardy aýlaýǵa ruqsat etiledi.
Aıta keteıik, QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti QR Aýyl sharýashylyǵy mınıstriniń m.a. buıryǵymen bekitilgen ań aýlaý qaǵıdalarynyń 19-tarmaǵy negizinde ań aýlaý maýsymynyń bastalýy týraly buıryq shyǵarady.
Kóktemgi ań aýlaý erejelerine sáıkes, úırekti aýlaýǵa tek ańshyda jasandy úırek nemese tulyby bolǵan jaǵdaıda ǵana ruqsat etiledi. Al áýesqoı (sporttyq) ań aýlaý tek bekitilgen ańshylyq alqaptarynda ǵana ruqsat etiledi. Sondaı-aq, bul bekitilgen ańshylyq alqaptarǵa barýǵa joldama qajet.
Eger janýarlar dúnıesin paıdalaný talaptary men ań aýlaý qaǵıdalary buzylǵan jaǵdaıda, QR Ákimshilik quqyq buzýshylyq týraly kodeksiniń 382-babyna sáıkes jeke tulǵalarǵa 70 AEK mólsherinde aıyppul salý ne ákimshilik quqyq buzýshylyq quraldary tárkilenip, eki jylǵa deıingi merzimge ań aýlaý quqyǵynan aıyrý túrindegi eń joǵarǵy jaza kózdelgen.