Qazaqstanda qoǵamdyq tamaqtaný salasyndaǵy kásipkerler 95 myńnan 27 myńǵa azaıdy
Almaty qalasynda issaparmen júrgen QR Bas memlekettik sanıtarlyq dárigeri Erlan Qııasov «Qoǵamdyq baqylaý jáne monıtorıng» RQB basshysy Saıda Taýkelevamen, QR Qoǵamdyq tamaqtaný qaýymdastyǵynyń basshysy Gúlbaný Maıǵarınamen jáne «Azamattyq saraptama ortalyǵy» jobasynyń basshysy Rústem Amangeldimen kezdesti.
Kezdesý barysynda Almaty qalasyndaǵy koronavırýs ınfektsııasy boıynsha epıdemıologııalyq jaǵdaı talqylandy. Sondaı-aq, qoǵamdyq tamaqtaný kásiporyndarynyń qyzmetine qoıylǵan shekteý máseleleri talqylandy. Qaýymdastyq atalǵan salanyń jumysyn birtindep qalpyna keltirýge baǵyttalǵan usynystar jasady.
Qazir qoǵamdyq tamaqtandyrý salasynda eńbekke qabiletti halyqtyń shamamen 23% jumys isteıdi, olardyń 85% áleýmettik az qamtylǵan topqa jatady. Ekonomıkanyń bul sektory pandemııa kezinde úlken zardap shekkenderdiń qatarynda. Ashyq aqparat kózderinen alynǵan málimetter boıynsha, 2020 jyly qoǵamdyq tamaqtandyrý salasyndaǵy kásipkerler sany 95-ten 27 myńǵa deıin azaıdy.
Bas memlekettik sanıtarlyq dáriger koronavırýs ınfektsııasynyń taralý dınamıkasyna qoǵamdyq oryndar tikeleı áser etetin atap ótti. KVI basqa respıratorlyq-vırýstyq aýrýlarǵa qaraǵanda adamǵa juǵý qaýpi joǵary. Sondyqtan qoǵamdyq tamaqtaný oryndary osyny eskergeni jón. Kelýshiler de, kafe qyzmetkerleri de zardap shegedi, olar da koronavırýs ınfektsııasynyń tasymaldaýshysy bolýy múmkin.
Osyǵan baılanysty Erlan Qııasov «Qoǵamdyq baqylaý jáne monıtorıng» RQB-niń nysannyń aýmaǵyna baılanysty kelýshiler sanyn shekteýdi qaıta qaraý jónindegi usynysyn sanıtarlyq-gıgıenalyq talaptardy, josparlaýdy jáne ózgesin eskere otyryp qaıta qaraýdy talap etetinin atap ótti.
Sondaı-aq, «qyzyl» aımaqtaǵy tez tamaqtanatyn meıramhana, ashana, fastfýdtardyń jumys rejımin uzartý jónindegi usynys ta qaralatyn boldy. Olar alkogol ónimin satpaıdy, kelýshi tek tamaq ishe alady.
Qoǵamdyq tamaqtandyrý kásiporyndary «Ashyq» platformasyna qosylsa, nátıjesi mynadaı bolady:
a) retteýshimen birigip jumys isteýge daıyn, zańǵa baǵynatyn kásipkerlerdi irikteıdi;
b) qonaqtardyń sanyn jáne tamaqtanǵan ýaqytyn baqylaıdy;
v) retteýshi sanıtarııalyq normalar men talaptardyń oryndalýyna onlaın monıtorıng júrgizýdi jolǵa qoıady;
«Qoǵamdyq tamaqtandyrý jáne qoǵamdyq baqylaý qaýymdastyǵy» memlekettik sanıtarlyq dárigerler belgilegen qaýipsizdik talaptarynyń saqtalýy men oryndalýyna ári qaraı járdemdesetin bolady.
Sondaı-aq Erlan Qııasov Almaty qalasyndaǵy ǵylymı ortalyqtardyń jumysymen tanysty.