Qazaqstanda qyzmetine tyıym salynǵan sheteldik jýrnalısterdiń tizimi bar ma – vıtse-mınıstr jaýaby

<p>ASTANA. KAZINFORM &ndash;&nbsp; Senat depýtaty&nbsp; Nurııa Nııazova Mádenıet jáne aqparat vıtse-mınıstri Qanat Ysqaqovtan sheteldik jýrnalısterdi akkredıtteý tártibi týraly surady.</p>

«Meniń suraǵym ózge elderdegi qyzmeti qandaı da bir eldiń memlekettik qurylymyn buzýǵa baǵyttaldy dep baǵalanǵan jýrnalıstermen baılanysty. Bizde sondaı jýrnalısterdiń tizimi bar ma? Ondaı tulǵalardyń elimizge kirýine jáne aqparattyq qyzmetine tyıym salý qalaı belgilengen?» - dep surady senator.

Qanat Ysqaqovtyń sózinshe, bul másele qoǵamda kóp pikirtalas týǵyzǵan.

«Bizde Aqparat mınıstrligi retinde ondaı derekter joq. Biraq bul máselege júıeli túrde kelgenimizdi aıtamyn. Zań jobasynda sheteldik BAQ pen jýrnalısterdi akkredıtteýmen Syrtqy ister mınıstrligi aınalysatyny týraly normalar bar. Sonymen birge Syrtqy ister mınıstrliginiń Qazaqstan zańnamasy aıasynda akkredıtteýden bas tartýǵa nemese akkredıtatsııa merzimin sozýdan bas tartýǵa, akkredıtatsııany qaıtaryp alýǵa quqyǵy bar. Bul Syrtqy ister mınıstrligine qandaı da bir jýrnalıstiń áreketi Qazaqstannyń egemendigine, aýmaqtyq tutastyǵyna zııan keltiretin bolsa, búkil qajetti áreketter qabyldaýǵa múmkindik beredi. Bul norma «Mass-medıa týraly» zańnyń jobasynda bar», - dedi Qanat Ysqaqov.

Syrtqy ister mınıstriniń birinshi orynbasary Aqan Rahmetýllın jańa zańda bul máselemen baılanysty normalar qalaı ózgergenin túsindirdi.

«Buryn akkredıtteý jaı ǵana erejede bolǵan. Ol ereje boıynsha biz sheteldik jýrnalısterge akkredıtatsııa bermesek te, jumys isteýge quqyǵy bar bolatyn. Óıtkeni sondaı zańǵa ilespe akt bolǵan. Al qazir «Mass-medıa týraly» zańnyń 30-babynda sheteldik jýrnalısterdiń qyzmetin retteýge tolyq quqyq bolady», - dedi ol.