Qazaqstanda qyzylshaǵa qarsy 630 myń doza vaktsına bar

<p>ASTANA. KAZINFORM&nbsp;&mdash; Densaýlyq saqtaý mınıstrligi <a href="https://kaz.inform.kz/" target="_blank" rel="noopener">Kazinform</a> saýalyna joldaǵan jaýabynda qyzylshaǵa qarsy vaktsınanyń kólemin atady.</p>

«Qazirgi tańda elimizde qyzylshaǵa, qyzamyq pen shyqshyt bezinýiniń qabynýyna qarsy 630 myń dozadan astam qurama vaktsına bar», — dep jazylǵan jaýapta.

Bul vaktsına aldyn alý ekpesiniń ulttyq kúntizbesi aıasynda (12-15 aılyq, 6 jasar balalar úshin) jáne qosymsha jappaı ımmýndaýǵa jatatyn kontıngentti qamtýǵa (6-10 aılyq, 2-4 jastaǵy balalar men buryn ekpe almaǵan medıtsına qyzmetkerlerin, josparly ekpeni ótkizip alǵan 18-ge tolmaǵan adamdarǵa arnalǵan.

Sondaı-aq, bul vaktsına qyzylsha oshaǵymen baılanysta bolǵandar jáne ekpe almaǵan nemese qyzylshaǵa qarsy vaktsına alǵany týraly málimet joq 30-ǵa deıingi azamattarǵa salynady.