Qazaqstanda qyzylsha boıynsha epıdemıologııalyq jaǵdaı turaqtalyp keledi

<p>ASTANA. KAZINFORM &ndash; Sońǵy 2 aıda elimizde qyzylsha aýrýy 38%-ǵa tómendedi. Bul týraly QR Densaýlyq saqtaý mınıstrligi habarlady.</p>

Qosymsha ımmýndaý sheńberinde vaktsınalaýǵa jatatyn adamdardyń 92% ekpe alǵan.

«Bul rette qyzylshamen syrqattanǵandardy tirkeý áli de jalǵasýda. Osyǵan baılanysty ata-analar balalarynda qyzylshaǵa qarsy ekpeniń bolýyn qadaǵalaýy qajet. Vaktsınalaý bolmaǵan jaǵdaıda tirkelgen jeri boıynsha emhanada vaktsına alýdy usynamyz», - dep jazdy mınıstrlik.

Sonymen birge, vedomstvo qyzylshanyń entsefalıt (mıdyń qabynýy), ókpeniń qabynýy, otıt (qulaqtyń qabynýy) sekildi asqynýlarǵa ákep soǵatyn qaýpin eske saldy.

Qyzylshanyń belgileri JRVI belgilerine uqsaıdy: dene qyzýy kóteriledi, jótel jáne aýrýdyń 4-5 kúnderi bórtpe paıda bolady.

«Qyzylshanyń aldyn alýdyń jalǵyz senimdi quraly – ýaqytyly vaktsınalaý. Ekpe 1-6 jas aralyǵyndaǵy balalarǵa júrgiziledi. Vaktsınalaý arqyly balalaryńyzdy qyzylshanyń aýyr túrinen jáne onyń saldarynan qorǵaı alasyz. Qazaqstanda qyzylshaǵa qarsy DDSU sertıfıkattaǵan qaýipsiz jáne tıimdi vaktsına qoldanylady. Elimizde vaktsınadan keıingi qolaısyz jaǵdaılar tirkelmegen», - deıdi mınıstrlik.