Qazaqstanda Qytaıdyń kedeılikti azaıtý tájirıbesi qoldanylady
Qytaıdaǵy kedeılikti azaıtý ortalyǵy halyqtyń az qamtylǵan toptarynyń ál-aýqatyn jaqsartýǵa baǵyttalǵan strategııalardy ázirleý men engizýde kóshbasshy sanalady.
Bul ortalyq ǵylymı-zertteý jumystarymen belsendi aınalysady, bilim baǵdarlamalaryn uıymdastyrady jáne mıllıondaǵan adamdarǵa ómir súrý jaǵdaılaryn jaqsartýǵa kómektesken praktıkalyq bastamalardy júzege asyrady.
Búgingi tańda Qytaıdaǵy barlyq kásiporyndardyń 80%-dan astamy jeke menshikte, olar jumys oryndarynyń eleýli bóligin qamtamasyz etedi.
Alaıda, tájirıbe kórsetkendeı, bul úlken áleýmettik jiktelýge, halyq tabysyndaǵy úlken alshaqtyqqa ákelýde.
«2016 jyly QHR Memlekettik keńesi „Kedeılikti joıý baǵdarlamasyn“ jarııalady. Sol jyly Alibaba 20 myńnan astam Taobao aýyldyq qyzmet kórsetý ortalyqtaryn ashty. Mundaı ortalyqtarda turǵyndar elektrondy saýda alańynda jumys isteýdi, óz ónimin satý úshin ınternet-dúken ashýdy úırendi. 2017 jyldyń ózinde elde 9 mıllıonnan astam aýyldyq onlaın-dúkender paıda boldy, 28 mıllıon jańa jumys orny ashyldy», — deıdi «Qaryzsyz qoǵam» jobasynyń avtory, AMANAT partııasynyń hatshysy Eldar Jumaǵazıev.
Osylaısha, kedeı aýdandardaǵy ınfraqurylym da edáýir jaqsarǵan: 1,1 mıllıon shaqyrym jol qaıta jańartyldy, 35 myń shaqyrym temirjol salyndy, sýmen jabdyqtaýdyń jalpy kólemi 18,1 mıllıard tekshe metrge ósken.
Infraqurylymdy damytý mıllıondaǵan adamdardy ekonomıkalyq aınalymǵa tartýǵa múmkindik berdi.
Qytaıdaǵy kedeılikpen kúresýdiń eń mańyzdy ereksheligi — naqtylyq pen ataýly sıpaty.
Kedeılerge kómek kórsetý jáne kedeılikti joıý maqsattaryn júzege asyrýǵa aqparattyq qoldaý kórsetý úshin kedeılikke qarsy memlekettik aqparattyq platforma qurylǵan.
Sońǵy 10 jylda Qytaıda kedeılikke qarsy áleýmettik baǵdarlamalarǵa 246 mıllıard dollar ınvestıtsııalandy.
Jyldar boıǵy kúsh-jigerden keıin 2020 jyly kedeılik sheginen tómen turǵan 100 mıllıon qytaılyq aýyl turǵyndarynyń barlyǵy kedeılikten aryldy, al 832 ýezd ben 128 myń aýyl kedeıler tiziminen shyǵaryldy.
Aıta keteıik, kedeılikti azaıtý ortalyǵynan alynǵan bilim men tájirıbe «Qaryzsyz qoǵam» jobasy aıasynda kedeılikpen kúresýdiń jańa tıimdi ádisterin engizýge kómektesedi.
«Bul biz úshin buryn-sońdy bolmaǵan tájirıbe boldy jáne onyń keıbir elementterin „Qaryzsyz qoǵam“ jobasy aıasynda engizýge tyrysamyz. Biz tek qarjylyq saýattylyqpen ǵana shektelip qoımaı, aýyl turǵyndaryna aýyl sharýashylyǵy daqyldaryn durys ósirýdi úırete bastaımyz, olarǵa taýarlyq nesıeler berip, mamandardyń súıemeldeýin qamtamasyz etemiz. „Aýylda jasalǵan“ tutyný kooperatıviniń qyzmeti arqyly jeke sharýa qojalyqtaryn biriktiremiz», — dedi «Qaryzsyz qoǵam» jobasynyń jetekshisi Aqmaral Bekmurzaeva.
Sonymen birge, issaparda qazaqstandyq delegatsııa Qytaı halyqaralyq kedeılikti azaıtý ortalyǵy dırektorynyń orynbasary Lı Sın hanymmen, QKP OK Halyqaralyq bólimi meńgerýshisiniń orynbasary Lı Mınsıanmen, Sýn Tsınlın atyndaǵy jastardyń ǵylymı-tehnıkalyq jáne mádenı almasý ortalyǵynyń basshysy Go Sınbaomen kezdesti.
Odan bólek, partııa ókilderi Tsındao qalasy Laoshan aýdanyndaǵy jańa aýylsharýashylyq demonstratsııalyq aımaǵyna bardy jáne jergilikti deńgeıde partııalyq jumys qurý tájirıbesin zerdeledi.
Eske sala keteıik, «Qaryzsyz qoǵam» jobasy byltyr 2 mamyrda bastalǵan bolatyn.
Bıyl Prezıdent tapsyrmasymen elimizdiń barlyq 20 óńirinde, onyń ishinde Astana, Almaty, Shymkent qalalarynda halyqty qarjylyq saýatqa jappaı oqytyldy.
Jyl basynda arnaıy oqytylǵan 150 qarjy sarapshysy men 20 bilikti zańgerdiń pýly quryldy jáne búgingi kúnge deıin 150 myńnan astam adam jańa bilim aldy.
Oqý kýrsynyń qatysýshylaryna yńǵaıly bolý úshin qogamfin.kz. onlaın-platformasy ázirlendi.
Saıt arqyly oqýǵa jazylyp, paıdaly materıaldar men beıne sabaqtardy júktep alýǵa bolady.