Qazaqstanda kitaphanalarǵa kitapty sandyq formatqa kóshirýge ruqsat beriledi
Bul týraly búgin zııatkerlik menshik salasyndaǵy zańnamaǵa ózgertýler engizý jobasyn talqylaýǵa arnalǵan dóńgelek ústel otyrysynda QR ÁM Zııatkerlik menshik quqyǵy komıtetiniń tóraǵasy Abzal Estaev málim etti.
«Avtorlyq quqyq salasyndaǵy qazirgi zamanǵy problemalardy sheshý úshin aldyńǵy qatarly sandyq, aqparattyq tehnologııalardy jappaı paıdalaný múldem basqa, jańa ádisterdi ázirleýdi talap etedi. Osyǵan oraı kitaphanalar men muraǵattarǵa shyǵarmanyń búlingen danalaryn almastyrý úshin 1 danamen elektrondy túrde, ıaǵnı, sandyq formatta daıyndaýǵa quqyq berý qarastyrylǵan», - dedi A.Estaev.
Onyń atap ótýinshe, qazirgi qoldanystaǵy zańnamada avtorlarǵa ujymdyq basqarý salasynan óz quqyǵyn alý múmkindigi berilgen. Degenmen alý tetiginiń ózi zańnamada qarastyrylmaǵan.
«Osyǵan oraı, basqarýdan óz týyndysyn alǵysy keletin quqyq ıelenýshige syıaqy tóleý boıynsha úsh aılyq merzim bekitý usynylady», - dedi ol.