Qazaqstanda kitap oqıtyndardyń sany artty - mınıstr Muxamedıuly
"Statıstıkalyq málimetterge sáıkes, sońǵy bes jyldyń ishinde kitapxanalardyń qyzmetine júgingen azamattardyń sany 5 mıllıonǵa ósti. Qazirgi ǵalamtor dáýirine qaramastan, kitaptardy oqý kórsetkishi artyp otyr. Sebebi barlyq damyǵan memleketterde kitapxanalar ǵylymı-ıntellektýaldyq pikirtalas alańdary bolyp sanalady. Ol jerde shyǵarmashylyq damıdy, tyń ıdeıalar dúnıege keledi. Al teatr kórermenderiniń sany 2,5 mıllıon adamǵa jetti. Bul degenimiz, zaldaǵy kórermen qaýymnyń sany shamamen 80-90 paıyzdy quraıdy", - dedi Muxamedıuly Úkimettiń búgingi otyrysynda.
Mınıstr Qazaqstandaǵy mádenıet nysandaryn damytý jáne jańǵyrtý máseleleri boıynsha baıandama jasady.
Sondaı-aq vedomstvo basshysy Álkeı Marǵulan atyndaǵy Arxeologııa ınstıtýtyn Bilim jáne ǵylym mınıstrliginen Mádenıet jáne sport mınıstrligine aýystyrý máselesin qoldaýdy surady. Sebebi atalǵan ınstıtýt Mádenıet jáne sport mınıstrligine qarasty mýzeılermen birlesip jumys isteýi kerek.
Budan bólek, mınıstr Esik qorǵanynda tabylǵan Altyn adamdy álemge keńinen nasıxattap, Rembrant pen Leonardo da Vınchıdiń týyndylary deńgeıine deıin kóterýdi usyndy. Onyń paıymynsha, osynyń arqasynda Qazaqstanǵa týrısterdi kóptep tartýǵa bolady.