Qazaqstanda kirpish shyǵaratyn 14 zaýyt salynady
«Qazir armatýr óndiretin jańa 3 zaýyt salynyp jatyr, sonyń esebinen 100 paıyz otandyq naryq qamtamasyz etiledi. Al kirpishke kelsek, búginde elimizde 1 iri, 11 ortasha jáne 276 shaǵyn kirpish shyǵaratyn kásiporyn bar. Olar 2 túrli kirpish jasaıdy, sılıkat jáne keramıkalyq. Qazirgi ýaqytta atalǵan ónerkásipter ishki naryqty 62 paıyzǵa kirpishpen qamtamasyz etip otyr. Onyń ústine byltyrmen salystyrǵanda bıyl kirpish óndirý kólemi 2 esege artyp otyr. Eldegi suranysty tolyq qamtamasyz etý maqsatynda 2022 jyldyń sońynda deıin elimizde kirpish shyǵaratyn jańa 14 zaýyt salý josparlanyp otyr. Onyń qýaty jylyna 440 mln dana kirpish shyǵara alady. Sonda otandyq naryqty tolyqtaı óz ónimimizben qamtı alamyz», - dedi Q. Óskenbaev OKQ-de ótken baspasóz máslıhatynda.
Odan bólek, vıtse-mınıstr elimizdiń ımportqa táýeldiligin azaıtý jáne qurylys materıaldary baǵasynyń turaqtylyǵyn qamtamasyz etý maqsatynda mınıstrlik 2021-2025 jyldarǵa arnalǵan qurylys ındýstrııasyn damytý boıynsha memlekettik baǵdarlamany qabyldanǵanyn tilge tıek etti.
Sol sııaqty Q. Óskenbaevtyń aıtýynsha, Qazaqstanda suranysqa ıe qurylys materıaldary men onyń baǵasyna taldaý júrgizildi.
Buǵan deıin mınıstrdiń birinshi orynbasary elimizde turǵyn úı qurylysyna quıylatyn ınvestıtsııa kóleminiń óskenin aıtty.