Memlekettik kirister qyzmetiniń ókili Germanııadan elge ekstradıtsııalandy

<p>ASTANA. KAZINFORM - Búgin Qazaqstan prokýratýrasynyń, Sybaılas jemqorlyqqa qarsy is-qımyl agenttiginiń qyzmetkerleri Syrtqy ister mınıstrligi men ІІM Interpolynyń kómegimen asa iri kólemde para alǵany úshin qylmystyq jaýapkershilikke tartý maqsatynda Grýzııadan azamatty ekstradıtsııalady.</p>

Bul týraly QR Bas prokýratýrasynyń baspasóz qyzmetinen málim boldy.

Ol Qazaqstan Respýblıkasy Memlekettik kirister organdarynyń qyzmetkeri bola tura, 2022 jyldyń qańtar-tamyz aılary aralyǵynda Qazaqstan-Reseı shekarasyndaǵy ótkizý pýnkti arqyly aýyr júk kólikteriniń kedergisiz ótýine kómek kórsetkeni úshin kásipkerlik sýbektilerinen 37,5 mln teńge kóleminde para alǵan dep kúdikteledi.

Qylmysty jasaǵannan keıin kúdikti tergeýden jasyrynyp, halyqaralyq izdeýge jarııalanǵan.

2023 jyldyń qazan aıynda ol Grýzııada ustaldy. Qazirgi ýaqytta kúdikti tergeý ızolıatoryna qamaýǵa alyndy.

«Aıyp taǵylyp otyrǵan qylmysy úshin múlki tárkilenip, belgili bir laýazymdardy atqarý quqyǵynan ómir boıyna aıyra otyryp, on jyldan on bes jylǵa deıingi merzimge bas bostandyǵynan aıyrý túrindegi jaza kózdelgenin eske salamyz»,-delingen habarlamada.