Qazaqstanda kıik atý sharasy qalaı júredi

<p>Ekologııa jáne tabıǵı resýrstar mınıstrligi kıikterdi atýǵa ruqsat berilgen aımaqtardy atady, dep habarlaıdy Kazinform.</p>

«Kıikterdiń popýlıatsııasyn basqarý jónindegi bıologııalyq negizdemege sáıkes BQO, Aqmola, Qostanaı jáne Betpaqdala popýlıatsııasy úshin Qaraǵandy oblysynyń aýmaǵynda kıikterdi atýǵa ruqsat berildi», - delingen atalǵan mınıstrliktiń Kazinform agenttigi joldaǵan saýalynyń jaýabynda.

Sondaı-aq vedomstvo qaı jastaǵy kıikterdi atýǵa bolatynyn túsindirdi.

«Bıologııalyq negizdemege sáıkes, Oral jáne Betpaqdala popýlıatsııalary úshin 2023 jylǵa kıikterdi atý 15%-dan aspaýy kerek. Onyń ishinde eresek analyqtary 50%-dan aspaýy tıis, jas tólderdi atý (eki jynys boıynsha da) boıynsha 35%-dan artyq ruqsat berilmeıdi», - deıdi Ekologııa mınıstrliginen.