Qazaqstanda kıim 10% qymbattaǵan

NUR-SULTAN. QazAqparat – Maýsym aıynyń kórsetkishine súıensek, saýda sórelerinde aıaqkıim men kıim baǵasy bir jylda 9,7% qymbattaǵan. Bul týraly QazAqparat Energyprom.kz saıtyna silteme jasap habarlaıdy.

«Maýsym aıynda aıaq kıim men kıim aılyq mejede 1,4%, jyldyq mejede 9,7% qymbattady. Bir aıdyń ishinde atalǵan taýarlardyń baǵasy Soltústik Qazaqstan, Mańǵystaý jáne Qyzylorda oblystarynda erekshe ósken.

Al jyldyq mejede Mańǵystaý jáne Qyzylorda oblystarynyń qataryna Atyraý oblysy qosylǵan», -dep jazady portal.

Aqparat resýrsynyń málimetine qaraǵanda, byltyrǵy maýsymnan beri er adamdardyń ish kıimi 15,6%, maıka 14,9%, djıns shalbar 10,7%, sport kıimderi 10%, shulyq 9,7%, qysqy kúrteler 8,7%, júnjeıde 5,4%, maýsymaralyq palto — na 6,7%, kostıým-shalbar 4,3% qymbattaǵan.

Al jazǵy týflı men shaqaı baǵasy 11,6%, qysqy etik baǵasy 10,4%, maýsymaralyq báteńke baǵasy 8,9%, krossovka baǵasy 7,9% ósken.

Áıelder kkıiminiń arasnyda bir jylda kóılekter 11,9%, qysqy kúrte 10,8%, bıýstgalter 9,6%, kostıýmy-ıýbka 9,1%, sport kıimi 8,8%, halat 8,3%, teri tondar 7,9%, djıns shalbar 6,4%, ıýbka 6,2%, ósken.

Balalar kıiminiń ishindebir jylda fýtbolka 12,8%, pıjama 11,9%, shulyq 10,9%, maýsymaralyq kúrte 10,5%, qysqy kombınezon 10,3%, qysqy kúrte 9,7%, djıns shalbar 9,3%, shalbar 9,1%, sport kıimi 7,9%, kóılek 6,8%, júnjeıde 6,4%, kostıým 6,2%, oqýshynyń kostıým jıyntyǵy 5,7%, balalardyń qysqy aıaq kıimi 15,9%, krossovka 15%, týflı 13,4%, qyzdardyń týflıi 9,7% baǵasy kóterilgen.

Al Ranking.kz-tiń deregine súıensek, eskirgen kıimin jańalaı almaı júrgen qazaqstandyqtar úlesi ósken.