Qazaqstanda kıikterdiń sany ósip keledi

NUR-SULTAN. QazAqparat – Qazaqstanda kıikterdiń sanyn anyqtaý jáne baqylaý jumystary júrip jatyr. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev Úkimette aıtty, dep habarlaıdy QazAqparat tilshisi.

«Rasynda da kıikterdiń sany artyp keledi. Oral popýlıatsııasyna kelsek, onda 500 myńnan astam ósim baıqalady. Qazirgi ýaqytta kıikter sanyn baqylaý jáne anyqtaý jumystary júrgizilýde. Bul jumysty jaqyn kúnderi aıaqtaımyz jáne 10 mamyrda kıikterdiń naqty sanyn biletin bolamyz», - dedi Serikqalı Brekeshev Úkimet otyrysynan keıingi brıfıngte.

«Boljam boıynsha, bir ǵana Oralda kıik sany 1 mıllıonǵa deıin artýy múmkin. Bul derekterdi 10 mamyrdan keıin jarııalaımyz», - dedi Ekologııa mınıstrligi.

Eske sala ketsek, byltyr Batys Qazaqstan oblysynyń sharýalary kıikter kóbeıip, mal jaıylymyn taptady dep shaǵymdanǵan bolatyn.