Qazaqstanda «Kıik» tabıǵat qorǵaý aktsııasy bastaldy

NUR-SULTAN. QazAqparat - 2021 jyldyń 15 sáýiri men 15 mamyry aralyǵynda elimizdiń 12 oblysynda keń aýqymdy «Kıik» tabıǵat qorǵaý aktsııasy ótedi, dep habarlaıdy QazAqparat QR Ekologııa jáne geologııa mınıstrliginiń Telegram kanalyna silteme jasap.

Іs-sharanyń bastamashylary Ekologııa, geologııa jáne tabıǵı resýrstar, Іshki ister mınıstrlikteri jáne Ulttyq qaýipsizdik komıteti. Atalǵan vedomstvo basshylary «Kıik» tabıǵatty qorǵaý aktsııasyn ótkizý týraly» birlesken buıryqqa qol qoıdy.

Aktsııanyń maqsaty laktatsııa kezeńinde kıikterdi qorǵaýdy kúsheıtý, sondaı-aq el aýmaǵynda tabıǵatty qorǵaý zańnamasyn buzýdyń jolyn kesý boıynsha birlesken is-sharalardy uıymdastyrý bolyp tabylady.

Buıryq sheńberinde aktsııany ótkizý kezinde quqyq qorǵaý jáne tabıǵat qorǵaý organdarynyń ózara is-qımyly jónindegi úılestirý shtaby, sondaı-aq birlesken is-qımyl jospary bekitildi.

«Aktsııa barysynda quqyq qorǵaý organdarymen birlesip kıik múıizderiniń zańsyz aınalymyna qarsy is-qımyl jáne olardy elden tys jerlerge shyǵarý boıynsha sharalar kúsheıtiletin bolady»,-delingen habarlamada.