Qazaqstanda qaıyrymdylyq salasyndaǵy ashyqtyqtyń júıesi ázirlenýde

ASTANA. QazAqparat - Qazaqstanda qaıyrymdylyq jasaý salasynda ashyqtyq qajet. Bul týraly Ortalyq kommýnıkatsııalar qyzmetindegi baspasóz máslıhatynda Qazaqstan halqy Assambleıasy Tóraǵasynyń orynbasary Eraly Toǵjanov málim etti.

Bul maqsattarǵa qol jetkizý úshin QHA yntymaqtastyq jónindegi memorandýmdy PricewaterhouseCoopers halyqaralyq aýdıtorlyq kompanııasymen bekitti. Kompanııa Qazaqstanda 20 jyldan astam ýaqyt jumys isteýde jáne álemde 150 jyldan astam tanymal. Osy rette olar aýdıt, konsaltıng, salyq pen zańgerlik baǵyttarynda tájirıbeli oıynshy retinde sanalýda.

«Bul baǵyttaǵy yntymaqtastyq Qazaqstanda mindetti halyqaralyq tájirıbeni engizý úshin ózara kómek kórsetýge negizdelgen. Kompanııada bundaı tájirıbe búginde bar, sondyqtan da olar uıymdastyrýshylyq jáne aqparattyq kómekke qoldaý jasaıdy. Osy úderistiń aınalasyna kóptegen memlekettik organdardyń toptalýy qajettilik etedi. Bul jumystar júıelenýi tıis, óıtkeni túrli kompanııalar ózderiniń erkine qaraı kómek jasaıdy. Biraq ta, bul kómekti jasaýdyń naqty ári ashyq baǵdarlamasy kerek etetini týraly biryńǵaı tártip bar. Elimizdiń kez kelgen azamaty kimge jáne qalaısha kómek kórsetilgenin, sondaı-aq osy kómek naqty ıesine jetkendigi týraly bilýi tıis»,-dedi E. Toǵjanov.

Onyń aıtýynsha, qazirgi kezde qaıyrymdylyq jasaý baǵytynda biryńǵaı júıeli qadamdy jeti memlekettik organ daıarlaýda.